PRODUTOS LAVADOS

Isfusos e big bag de 1 t

PRODUTOS A SICU

Isfusos e big bag de 1 t

PRODUTOS IN SACU

Sacos de 25 Kg

CARTZISTRUTZOS

Cartzistrutzos ordinàrios a règhida garantida (RCK)

Cartzistrutzos illebiados

Sos cartzistrutzos illebiados los podimus partzire in istruturales lèbios e illebiados non struturales. Custos cartzistrutzos los impreant mescamente pro umprimentos, pro massetos e isolamentos termo-acùsticos, pro more de sos materiales chi formant su misciu issoro.
Impermeàbiles
Sos cartzistrutzos impermeàbiles aguantant meda a s’intrada de s’abba. Los impreant pro istruturas interradas, bartzas, pischinas, impiantos de purgadura, gallerias e gai sighende.
Drenantes

Sos cartzistrutzos drenantes sunt formados de unu misturu de aggregados, abba, tzimentu e additivos ispetzìficos. Pustis postos in òpera, unu sistema de partes bòidas agiuntas permitit a s’abba de colare. Sunt impreados mescamente pro fraigare parchègios, piatzales, pistas tziclàbiles e cosas de gasi.
Architetònicos
Su cartzistrutzu architetònicu (naradu fintzas crastu samunadu) est su chi, pustis tratadu cun agentes proibidores de presa, ammustrat sa giara a vista. Un’àteru tipu est su cartzistrutzu imprentadu, otènnidu pro more de pigmentos colorantes in su misciu: pustis postu in òpera, est possìbile de l’imprentare a pizu (pro more de sàgamas fatas aposta) e cumprire s’efetu chèrfidu.
Autocumpatantes
Sos cartzistrutzos autocumpatantes, o SCC, los distinghimus dae cuddos traditzionales ca est prus fàtzile a los pònnere in òpera: pro more de una capatzidade manna de iscurrimentu e de aguantadura a sa segregatzione, infatis, non ant bisonzu de vibratzione. Permitint unu aorru mannu de manodòpera cando los isparghent, e dant, comente resessida finale, unu faccia a vista bellu a beru.
Cartzistrutzos fibro-afortigantes pro pamentaduras
Sos cartzistrutzos fibroafortigantes sunt bonos prus chi totu in sas ispainadas de superfìtzies de pamentare. Los caraterizat s’annànghida de fibras chi podent èssere de tipu metàllicu, polimèricu, bidru o materiale naturale. Unos cantos tipos de fibras podent pigare su logu de s’istrutura metàllica in sas pamentaduras (retza eletrosaldada).
Cartzistrutzos foto-lugorosos

Sos cartzistrutzos fotolugorosos giughent una resessida architetònica: los faghent cun unu misturu ispetzìficu de agregantes artifitziales chi atzupint s’isparghimentu de sos ràjos UV e torrant a coa custa energia comente lughe. Sunt su menzus pro fraigare parchègios, martzape’, piatzales e àteru.